श्रीगुरूकुलम् न्यास ही संस्था २०१३ सालापासून भारतीय संस्कृती संवर्धन व प्रचार प्रसाराचे कार्य श्रीभगवद्गीता या सार्वकालिक गंथाच्या माध्यमातून करीत आहे. संस्थेने कार्यविस्तारासाठी भगवद्गीतेतील पंचसूत्रीला आधारभूत मानले आहे.

भगवद्गीतेच्या प्रत्येक अध्यायाचे मर्म सांगणारे 18 परिच्छेद, न्यासाच्या शिक्षकांनी मिळून तयार केले आहेत. त्यावर आधारित प्रत्येकी दहा वस्तुनिष्ठ प्रश्न आहेत. या प्रश्नांची उत्तरे स्मरणशक्ती चाचणीप्रमाणे परिच्छेद दूर ठेवून सहभागींनी द्यायची असतात. त्यानुसार प्रत्येक सहभागीला श्रीगुरूकुलम् न्यासाकडून श्रेणीच्या उल्लेखासह प्रशस्तीपत्र दिले जाते. यामध्ये 10 वर्षापासून ते 80 वयाचे कोणीही भाग घेऊन गीतेची ओळख सोप्या भाषेत (मराठी, हिंदी, इंग्रजी) करून घेतात. आतापर्यंत सन 2022-23 मध्ये नागपूर, वर्धा, अमरावती, माहूर, हिवरे, जालना, छत्रपती संभाजीनगर, नाशिक, ठाणे, कल्याण, बदलापूर, डोंबिवली, विरार आगाशी, पनवेल इत्यादी ठिकाणी महाराष्ट्रात घेतली आहे. यापुढे महाराष्ट्राबाहेर मध्यप्रदेश, गुजरात वैगेरे राज्यांमध्येही संपर्क झाला आहे. तिथे जाऊन ही स्पर्धा घेण्याचा श्रीगुरूकुलम् न्यासाचा मानस आहे. आतापर्यंत या माध्यमातून 2000 पेक्षा अधिक व्यक्तींना गीतेविषयी जिज्ञासा जागृत करण्यात न्यास यशस्वी झाला आहे.